Ua tapunia nei le avanoa e faaleo ai finagalo i le pili o le Sitiseni a Samoa (Samoa Citizenship Bill) mo lona faitauga muamua ma ua seesee atu i le isi laasaga i le mae’a o lea vaega.
E pei ona lipotia atu pea o lenei pili o le a toe faataga ai ona maua sitiseni a le pe ā ma le 3 afe o tagata Samoa e agavaa i le sitiseni Niu Sila i tausaga ua tuanai ae na toe aveesea ona o se tulafono sa faia mulimuli ane e le faigamalo i lea taimi.
O le taimi nei la e pei ona ta’ua i le lipoti a le leitio faavaomalo a Niu Sila, o le a silasila le Parliament Select Committee i lenei pili ma faia ni fetuuna’iga e fua i folasaga sa faalauiloa e le Komiuniti a le Pasefika e tauala i fesootaiga e faaaogā ai video link ma nisi sa agai sa’o i le Palemene i Ueligitone e faailoa ai finagalo.
Ua ta’ua i le lipoti o le faitauga lona lua o le pili e lē taumate e faatino ia Oketopa.
Puna o Faamatalaga: https://www.rnz.co.nz/international/pacific-news/521867/public-submissions-on-samoa-citizenship-bill-closed
