O se tala faanoanoa ua sau o le a tapunia faitotoa o le foodbank tele i Canterbury, ma e tapuni e lei faia le Kerisimasi.
O le Aso Faraile o le vaiaso fou le 22 o Tesema lea ua sau tala o le a tapunia ai le Foodbank Canterbury ma ua mafua lea i le faaletonu o tala o le tupe ma ua lē mafai ai ona totogi le fale o loo nofo totogi ai faapea totogi o tagata faigaluega.
E lei faigofie le faaiuga ma e faapea o lea lava na fono le laulau a fono i le mae’a fautuaina e le Foodbank International.
E tusa ma le toaiva tagata faigaluega o le a lē toe iai a latou galuega, ma a o lei tapunia aloaia faititoa o le Foodbank Canterbury, o le Aso Lulu o le vaiaso fou e faagata ai le tufatufaina o meaai.
O le Foodbank Canterbury o le a tapuni, o ia lea o le lala autu o loo ia sapalaiina isi lala e silia ma le tasi selau foodbanks, poo le foi e tele ina iloa ai e le tagata o le Foodbank Aotearoa New Zealand.
