O le toe faafaigofie nei ona maua sa’o mai faamatalaga mai le Matagaluega o Leoleo e ala i soo se faalavelave ma ripoti lata mai i solitulafono e tulai mai i le atunuu tauala atu i tapenaga a le Matagaluega e toe faatino se tasi o auaunaga taua sa masani ai i tausaga ua tuanai o feiloaiga ia ma le vasega o alii ma tamaitai tusitala o le atunuu.
Ua faailoa e le sui Komesina Papalii Monalisa Tiai Keti le toe faia o ia feiloaiga i le tuanai ai o ni tausaga e le’i toe faatinoina ona o nisi o faiga faavae a le Matagaluega ma toe suia ina ua fesuia’i Minisita o Leoleo i le faigamalo ua mavae.
O se suiga na noatia ma faigata ai i tusitala o auaunaga eseese o faasalalauga i le atunuu ona saili ni avanoa iai latou o leoleo sinia e maua ai faamatalaga i solitulafono ma isi auaunaga a leoleo i le ripotia o mataupu aua le silafia e le atunuu.
Taua e Papalii “ O se tasi lenei o poloketi a le Matagaluega lea sa galulue faatasi ai ma le matou Ofisa lea o le Samoa Australian Police Project o le taumafai lea ina ia hire mai se matou media consultant and the purpose is o le advisor e fesootaiga ai i le Matagaluega o se vaega o le communication strategy ina ia faalauiloa e le gata o galuega faatino ae ia toe reconnect le Matagaluega i ona matafaioi ma tusitala ina ia sa’o faamatalaga e manaomia ona silafia e le mamalu o le atunuu”.
