O le aso 16 o le masina nei o Setema le taaloga lakapi faavaomalo a le ‘au a tamaitai le Manusina, ma le aumasii a tamaitai mai Ausetalia.
O le faato’ā toe faia lea o se taaloga faavaomalo a le Manusina i lo tatou atunuu talu mai le tausaga e 2009, e pei ona faailoa ai i se pepa o faasalalauga.
O le ‘au o le Australian A ua filifilia iai nisi o tamaitai iloga i le lakapi i totonu o Ausetalia.
O se taaloga tāua tele mo le Manusina a o lei faia se tasi o taamilosaga i Dubai e saili ai sona avanoa mo le Ipu o le Lalolagi i le tausaga e 2025.
O le Malo o Ausetalia o loo lagolagoina lea taaloga faatasi ai ma le polokalame o taaloga a lea atunuu le PacificAus sports.
