E amata i le amataga o le masina fou o Iulai tapenaga a le Manu Samoa i Apia e sauni ai mo le faamoemoe o le Ipu o le lalolagi i le tausaga nei.
E amata i le latou togalauapiga poo le camp e faia mo le lua vaiaso, sosoo ai ma le uluai test e taaalo ai ma Iapani e faia i Hokkaido i le aso 22 o Iulai.
Ona toe taliu lea i Samoa mo taaloga ma Fiti ma Tonga i le aso 29 o Iulai ma le aso 5 o Aokuso ma o le faatoa toe taaalo ai lea i le Apia Park talu mai le 2019.
Na saunoa foi le Ofisa Sili o le Lakapi Samoa, Faleomavaega Patrick Fepuleai o le a faia foi le taaloga a Samoa ma Aialani i le aso 26 o Aokuso.
O le pulu D o le a finau ai le Manu Samoa i le Ipu o le lalolagi, e pulu faatasi ai ma Chile, Iapani, Argentina ma Egelani.
O le vaiaso muamua o Aokuso o le a faailoa aloaia mai ai le ‘au o le a filifilia.
