E 120 isi sui o le Defence Force a Niu Sila o le a malaga e koleni fitafita Ukraine.
O a’oa’oga nei e aofia ai le faaaogāina o laau malosi faapea taimi e moomia ai first aid.
O le masina o Me le taimi mulimuli na malaga ai le to’a 30 e fesoasoani i le militeli a Ukraine e faaaogā ai fana ua ta’ua o light field guns, ma o lea ua mae’a le taimi o lea to’a 30.
O le aumalaga ua tapena nei o le a o auaua’i i totonu o le tolu vaiaso o i luma ma e faamae’a a latou galuega o le a faamautu ai i Peretania i le aso 30 o Novema.
E oo atu i le 230 fitafita Ukraine o le a manuia mai nei a’oa’oga ma na ta’ua e le minisita o le Defence, Peeni Henare, e lē gata o loo faasoa atu le tomai ae o loo faatupula’ia ai foi ma le iloa o o tatou fitafita.
Saunoa le minisita o le va i fafo a Niu Sila, Nanaia Mahuta, o nei aumalaga o loo atagia ai pea le lagolago faaauau a Niu Sila i le tausia o le filemu ma puipuiga faavaomalo.
