O loo tapena ma fai mea faalogo le New Zealand Defence Force i le taimi e sau ai le valaau mai le South Island ua moomia vave le fesoasoani.  

A o toe faalēaogāina ai lapata’iga o timuga mamafa i Northland ma Coromandel, o le South Island lea ua alu iai le mamafa. 

O le po anapo faasolo mai i le taeao nei o loo iai lapata’iga o le a faaauau pea timuga mamafa ma ia nofo tapena i lologa i Canterbury. 
O lea lava foi ua fautuaina tagata Otago ia taumamao mai vaitafe ona ua siisii le maualuga o le vai. 

Tuufaatasia tala fou o loo tufatufa taga oneone e fesoasoani ai e poloka le malosi o le vai i Saute o Dunedin, e ese ai lipoti o mauga solo ua tapunia ai se vaega o le State Highway 1. 

I tapenaga a le Civil Defence o lea lava foi ua galulue faatasi ma pulenuu o aai ua aafia auā lava le vave aveesea mai o tagata mai nofoaga ua lē saogalemu ona o le vai.