Ua amata lenei tausaga fou i le faailoa ai e le Ofisa Sili o le Lakapi Samoa le tofa Seumanu Ngau Chun, o le masii mai o le aulakapi o le New Zealand Heartland XV mo ni taaloga se lua ma le tasi o aulakapi a le atunuu le Manuma Samoa.
O se faailoga lea e pei ona faaalia e le Ofisa Sili i se pepa o faasalalauga, o le vavalalata o sootaga o Samoa ma Niu Sila i le atina’e o le taaloga lakapi.
O le masina o Novema o le tausaga nei ua faatulaga e masii mai ai lea aulakapi a Niu Sila mo ni ana taaloga se lua o le a taaalo ai ma le Manuma Samoa.
O le a muamua taaalo lea aulakapi ma le ‘au a le Pelesetene 15 ona taualuga lea i le taaloga ma le Manuma Samoa o le aulakapi tele lona lua lea a le atunuu.
O le aso 4 ma le aso 8 o Novema o le a faia ai ia taaloga.
