O loo faaauau pea tapenaga a le alii o Junior Tafa mo le la fetauiga i le masina fou ma Mohammed Usman lea e faia i Los Vegas i Amerika.
O se tusitusiga i le ABC news i le vaiaso nei ua faailoa ai o Tafa o loo sauni mo le UFC i le paga mamafa ma ua ia faailoa o ia e manao i knockouts ma o ana fusuaga uma e valu sa finau ai i le kickboxing, fusu ma le MMA sa manuia uma.
Ua lipotia o Junior Tafa 26 tausaga e iai le tomai i isi ituaiga fusuaga ia pei ona ta’ua.
O le isi ona uso o Justin Tafa e iai foi i le UFC i Perth ma e manatu Junior o lona tomai o iai ma le taitaiga a lona uso lea o le a fesoasoani tele i ana tapenaga mo le faamoemoe lea i le masina fou i Amerika.
