Ua fai paaga nei le Lakapi Samoa ma le kamupani ua ta’ua o le Hytro i le faamoemoe e faatino e lea auaunaga koleniga mo le siitia o le malosi o tama o le aulakapi o le Manu Samoa a o lumanai le Ipu o le Lalolagi i le masina fou.

E tolu tausaga o le faiga paaga lea ua faatulaga e le gata o le tatou ‘au tele o le Manu Samoa ua amata ai ae o le a faapena foi ona faatino e le Hytro toleniga o a tatou aulakapi masii tai sefululima i le vaega o alii ma tamaitai faapea le tatou aulakapi taitoafitu.

O lea foi galuega a le Hytro i le koleni o ia aulakapi a le atunuu o le a fesoasoani ai foi i tapenaga mo taaloga a le Olimipeka i Farani i le tausaga fou, o le Ipu o le Lalolagi i le lakapi mo le itupa o tamaitai i le tausaga e 2025 ma taaloga a Malo o le taupulega i le tausaga e 2026.

E onosefulu iai kalapu taalo i Peretania ma le Iunaite Setete o Amerika o loo fai paaga ma le Hytro i le autu lava e tasi o le koleniina o autaalo a ia atunuu.