Ua taofia nei fuafuaga a le Kainga Ora e fausia nisi fale fou e lata i le 1,300 a o faatalitali ai le iloiloga a le malo o loo faia atoa ai ma le Paketi poo le tala faatatau o le tupe.
O le faigamalo a le Soofaatasi sa o latou folafolaina le iloiloga e faauluulu ai lē sa avea ma Palemia o Bill English i le masina o Tesema i le tausaga talu ai.
Na lipotia e le RNZ i le masina o Aperila o faamaumauga mai le komiti filifiila o lea iloiloga ua iloa ai ua faia le faaiuga a le auaunaga lea ina ia faatuai mo le taimi nei le fausia o nisi fale fou e pei ona iai le poloketi o le KiwiBuild.
O le faaiuga e taofia mo sina taimi galuega ona o loo faagasolo iloiloga, ua faia e aunoa ma se faatonuga mai le minisita o Fale o Chris Bishop lea na ia faailoa i le RNZ toeitiiti faalauiloa mai iuga o le iloiloga.
O le KiwiBuild na amata e le faigamalo talu ai i le 2018 ma le faamoemoe e fausia ai ni fale e oo atu i le 100 afe i totonu o le 10 tausaga.
Puna o Faamatalaga: https://www.rnz.co.nz/news/political/517044/nearly-1300-homes-on-hold-amid-government-review
