Na lipotia le suia o le malaevaalele na aga’i iai le vaalele o le Ea Niu Sila i le afiafi o le aso ananafi ina ua faailo atu e nisi o le pasese lo latou sosogiina o le malosi o le nanamu o le penisini. 

Ae na ta’ua o se ‘ato a se tasi o le pasese le mafua’aga mo lea mataupu.

Na faailoa o lea faigamalaga na aga’i ese mai Blenheim mo Aukilani, peitai ina ua tula’i lea faafitauli, na faanatinati ona tulaueleele le vaalele i New Plymouth. 

I le tula’i ai o lea mataupu na mātauina le vave ona aga’i atu o fesoasoani mumaua i le taunuu ane ai o le vaalele i New Plymouth, ma faatino a latou galuega o le siakiina o vaega uma o le vaalele ma pasese. 

I lipoti, ua galulue nei sui o le kamupani vaalele a le Ea Niu Sila, e toe fetuuna’i faigamalaga a pasese na malaga atu i lea faigamalaga. 

Puna o Faamatalaga: https://www.newstalkzb.co.nz/news/national/air-nz-flight-diverted-to-new-plymouth-passenger-reports-smell-of-fuel/