O loo taoto nei i le falema’i i Aukilani le avepasi ua āfaina ona itu faapea ona fofoga ina ua faaoolima iai se talavou i le Aso Toonai.
Faamaonia mai e le peresetene o le Iuni a le Auckland Tramways, o le foi ane o le avepasi mai le fale lē ta’ua mai le St Lukes na aafia atu ai loa, ma o lea foi e feta’ua’ina ai ma le misa na tula’i mai i lea lava nofoaga i le va o tupulaga talavou.
O le lata i le itula e 10 i lea po, na maua ai e leoleo lipoti ma o lea lava foi na ave ai lava e leoleo talavou e to’atolu sa iai i lea taimi ma ua tuuina atu nei i le Youth Aid.
Ua lipotia o le avepasi o se tamā mai Filipaina ma ua siitia mai i Aukilani ma e leai sona aiga i Niu Sila.
O se tasi foi lenei o avepasi mai le faitau selau lea na faafaigaluega mai Filipaina, Fiti ma Initia i le tausaga talu ai se’i fesoasoani i le utiuti o avepasi i Aukilani ma isi aai.
A o iai pea le avepasi i se tulaga aafia tele, ua tali mai le Auckland Transport o loo galulue pea i le taimi nei mo le saogalemu o avepasi peitai e leai se tali vave.
Puna o Faamatalaga: http://Latest Auckland bus attack leaves driver in hospital with fractured ribs and eye damage – NZ Herald
