E to’a tolu tagata o le solo tetee na taofia e leoleo ona ua taumafai e sopo’ia le poloka a leoleo i fafo ane o le Palemene i Ueligitone Niu Sila i le aoauli nei.
O le naunau tele o nei tagata e fia ulufale i le Palemene na matua i malosi ai le finau a leoleo ma taumafai e toe unai i tua tagata o lea solo tetee ma i’u ai ina taofia nisi.
Pe a male 70 malu o le malo sa iai i malae o le palemene ile ma pe a male 50 faleie o le au tetee ua faatutu ai i le nofoaga e ui i lapataiga mai le fofoga fetalai o le maota, Trevor Mallard.
Ua faaopoopo nisi pa o le nofoaga mo le puipuiga ae na faailoa e Mallard ile One News o le po anapo na tuuina atu ai se feau tusitusia ile au tetee e faailoa iai o le faatuina o se faleie i eleele o le Palemene ua le o gatasi ma tulafono ma o le a ono aafia ile trespassing pe afai e tumau ai pea ona nonofo ile eleele.
Ua vaaia le tele o taavale ma loli ua poloka ai alatetele ile faatamilosaga o le palemene ma ua iai ma aafiaga i auaunaga a nisi o pasi. Matauina foi tagata tetee o feoai ma fua ma faailo e faailoa ai lo latou tetee tele ile faamalosia o nisi o tulaga faatatau ile faia o tui puipui.
O ananafi pe a ma le afe tagata na auai ile solo tetee e aofia ai ma nisi na malaga mamao atu mai isi vaega o le atunuu agai atu ile laumua.
