Ua faamuta nei tetee a faiaoga o aoga maualuluga, a o agai ai e faia talanoaga o le a saofai ai ma le sui tutoatasi a o talanoa pea maliega o totogi o faiaoga ma le matagaluega o aoga.
O le faaiuga lea na sau i le afiafi ananafi ma ua faamuta ai nei tetee auauai, lea e auauai ai vasega taitasi e aooga mai le fale.
Na maua e tala fou o lea na tele ina toe fesootai vave i imeli pulega o aoga i mātua anapo e tusa ma le faaiuga, ma o lea ua toe foi uma ai vasega e aooga i totonu o potuaoga i le asō.
Mai le Post Primary Teacher’s Association ua taofia nei tetee a o faasolo talanoaga, ma e le toe iai se isi tetee seia oo ina maua mai le faaiuga o talanoaga ua toe faia.
O loo iai le faamoemoe o faiaoga ia avea le iai o le sui tutoatasi i feutanaiga o loo faia nei ma auala e vave maua ai se faaiuga, a o se faaiuga talafeagai foi.
