Ua talosagaina le aveesea o le TikTok mai le Google faapea le app store a le Apple.
O le finagalo lea o Alex Ford o le pule sili o le Socialike ma o loo ia lagolagoina le komisi o fesoota’iga a le malo tele o Amerika lea e faapea o le app o loo tele ina pulea e le malo o Saina, ma ua o se faitoto’a e gaoia ai faamaumauga.
O loo teena e le sui o le komisi o fesoota’iga a Amerika faamatalaga o le TikTok ua na o se app e fefaasoaa’i ai ata mālie ma o loo ofi mai i ofu peiseai o se mamoe.
E talitonu Ford e moomia se gaioiga a le malo o Niu Sila ina ia malupuipuia ai tagata Kiwi, peitai o loo popole le pule sili i le tuai o le faagaioiga o tulafono tau tekonolosi a Niu Sila.
O le mafuaaga lea ua tusi le pule sili i le malo e faailoa ai lona popole, ma i se tali a le malo e pei ona lipotia e le Newshub poo le isi lua tausaga faato’ā aloaia le pili o loo galulue ai nei e faatonutonu ai sa’olotoga o nei fesoota’iga faaneionapo.
Mai ia Ford, ua tuai tele ma o le gaioiga vave lava o le aveesea mai o le app mai le Google ma le Apple ona lē toe maua ai lea e tagata Kiwi.
Faatalosagaina ai foi e Ford ua moomia le tutū malosi e tali atu ia Saina.
Sataoa i Safata
O le a e’e ia i lagitapu ou paia lē popo samoa, auā o sā lava mai le vavau e
