Fai mai ua talosaga puleaoga i le Malo ina ia faalemu le faagasologa o ana faiga faavae tau aoaoga.
O le lipoti a le One News ua ta’ua ai o le folasaga a le Malo i le vaiaso nei e faatatau i le 67 miliona ua faaagaga ane mo nisi polokalame faaleaoaoga ua faaigoaina i le faaperetania, structured literacy.
Ta’ua i le lipoti le faia e le malo o ni fetuunaiga tetele i le itu tau aoaoga e aofia ai ma le aveesea o telefoni feaveai i le taimi o aoaoga, faamalosiao se itula atoa mo le faitautusi, tusitusi ma le matematika ma le faiga lea e pei ona ta’ua, structured literacy.
O le taeao nei la ua tuuina ane ai se faamatalaga mai le NZ Principles Federation ua valaau ai i le Malo ia faalemū le faatinoina ana faiga faavae, ta’ua e le Peresetene o le asosi o puleaoga, Leanne Otene o le sui faafuasei o mea e ave iai le faamuamua e iai foi ona aafiaga i fuafuaga ma tapenaga tau faiga ma ua leva foi ona tapena mai ma fuafua aoaoga mo le kuata e pei ona iai nei.
Puna o Faamatalaga: https://www.1news.co.nz/2024/05/03/principals-urge-govt-to-slow-down-on-education-policy-rollout
