Talitonu leoleo e le’i lamatia le saogalemu o fanau aoga 

E le’i lamatia le saogalemu o aoga i North Island lea na tapunia faafuasei ananafi ona o faiga taufaamata’u. 
O aoga nei i Waikato, Thames ma Gisborne, ma e faapea o nei faiga taufaamata’u na tauala atu i se telefoni ma e ta’ua ai ma se pomu. 

Faamaonia mai ai e le matagaluega o aoga e ono aogā na lockdown pe na aveese faavavevave mai fanau ananafi. 

E ui la i talitonuga e lē o iai se tulaga e faapopoleina ai le saogalemu o fanau aoga, mai le ofisa o leoleo o loo faaauau pea a latou su’esu’ega poo fea lea na sau mai ai nei faiga taufaamata’u.