O le malae o taaloga o Pelenise Eteuati i Iva, o le malae o le aoga o le Don Bosco i Salelologa ma le malae o le Kolisi o Tuasivi i Savaii o le a faagasolo ai le taamilosaga saili siamupini i le lakapi taitoafitu a kolisi maualuluga i Upolu ma Savaii, lea ua faatulaga e faia i le Aso Tofi ma le Aso Faraile o le vaiaso nei.

Ua faailoa lea taamilosaga sue siamupini a kolisi maualuluga i le lakapi taitoafitu o le a tausinio ai ‘au a alii ma tamaitai i le matutua e i lalo o le 18, 16, ma le 14 tausaga.

O ‘au ua filifilia mo le sailiga siamupini na agavaa i le mae’a o le taamilosaga a kolisi maualuluga na faia i le aso 17 o le masina na te’a nei o Me.

O kolisi o le a tausinio i le vaiaso nei i Salafai o : Aleipata, Vaimauga, Lepa ma Lotofaga, Leifiifi, Vaiola, Itu o Tane, Palauli i Sisifo, Alofi o Taoa, Asau, Wesley College, Leulumoega Fou, Don Bosco, Aana Nu 2,  Sagaga, Lefaga, Aana Nu 1, Nuuausala, Samoa College, Falealili, Palalaua, Pesega, Robert Louis Stevenson, ma le Kolisi o Amoa.

O le taamilosaga saili siamupini a kolisi maualuluga i le lakapi taitoafitu o loo avea ai ma lagolago autu le faletupe o le Bank South Pacific poo le BSP Bank i Samoa.