E lē o faigofie le taugata o le soifuaga o iai, ma o le tau o le suauu le tupe faaalu ua matua’i lagona e le to’atele.
O le masina o Mati na amata mai ai le faamāmā avega ua aveesea ai e le malo le 25 sene i le lita, mulimuli ai ‘afa le tau e totogi mo femalaga’iga lautele, ma na toe faaumiumi mo le isi lua masina ma le faamoemoe e faamuta i le faai’uga o le masina fou.
O lea ua savali ina ‘afa Iulai e le’i toe maua mai se tala i le malo pe toe faaauau lana fesoasoani pe leai.
To’atele faalapotopotoga aemaise tagata o loo manana’o i le malo ia toe faaauau se’i fesoasoani ai i le taugata o le soifuaga, ma mai le Free Fares NZ o loo faatalosagaina le feoa’i fua o tagata o loo umia Community Service Cards, fanau aoga ma i latou e i lalo o le 25 tausaga.
Ae i se molimau a le Waka Kotahi talu mai ona ‘afa le tau e totogi mo femalaga’iga lautele mai le uluai aso o Aperila, e to’atele tagata ua toe foi i femalaga’iga lautele.
