Ua tali mai Saina i le faasāina e Ausetalia o le TikTok app mai telefoni feaveai a le malo ma ua faailoa e Saina o le mea lea e ta’ua o le faaaogā sese o malosiaga faasetete, abuse of state power.
O le sooupu a le ofisa o le va i fafo a Saina Mao Ning na faia sana saunoaga i le mae’a o le folasaga mai le Loia Sili Mark Dreyfus lea na ia ta’ua ai o le sā lea na folafola ananafi e tatau ona faaaloaia loa le faagaioia pe afai ua mafai.
Faailoa e Mao ua o latou faalogo i lipoti ma ua faaalia foi so latou manatu ia Ausetalia ona e talitonu lava Saina e le tatau lava ona faaaoga le tulaga o puipuiga i faiga ia faaneionapo, digital ma tulaga faapea e taofiofi ai kamupani mai fafo e ala i le soona falo fua o le tulaga o le puipuiga o le atunuu lautele ma le faaaogā sese o le malosi faasetete.
