O le a’oa’oina o le gagana Saina i o tatou tagata aemaise le fanau o se tasi itu e tāua auā e mafai ai ona fesoota’i atu i tagata o lea atunuu aemaise ua tele pisinisi a tagata Saina i Samoa.
O se itu lelei foi lea ua molimauina i a’oa’oga mo fanau sauaina o loo tausia i le nofoaga o le Campus of Hope a le Toomaga mo ē Puapuagatia, ona ua a’oa’oina ai fanau i le gagana Saina.
Ua faailoa e le Pelesetene o le Toomaga i se pepa o faamatalaga na afea le nofoaga i se asiasiga a le amepasa o Saina i Samoa ma sa mafai ai ona talanoa atu le alii amepasa o Fei Mingxing i fanau i le gagana Saina.
O le sailiga tupe a le Toomaga na faia i le masina o Iulai o le tausaga ua mavae, ua faaalia e le faalapotopotoga e maoa’e se foai a lea Malo na tuuina atu e fesoasoani ai i le faatupeina o totogi o tagata faigaluega o le Toomaaga mo ē Puapuagatia faapea le faagaioia o le ofisa tutotonu o le faalapotopotoga.
E lē o faailoaina e le Toomaga pe fia le aofai o lea foai, ae o le afea e le amepasa o le nofoaga o le Campus of Hope sa silasila ai le sui o lea Malo i le tulaga o loo tausia ai fanau sauaina.
