O le aso na talanoa ai le palemia o le atunuu Jacinda Ardern ile peresetene o le malo tele o Amerika, Joe Biden e faatatau tulaga o iai le Indo Pacific region ma le koviti 19 ao lumanai ai le fonotaga a le APEC.

Fai mai Adern o Niu Sila ma Amerika e tele mataupu e tau fai tutusa ai o la manatu e aofia ai ma se tulaga e tatala ma ia fusia I ni tuutuuga faatatau ile mataupu lea I le Indo Pacific.

Fai mai le tamaitai palemia I lipoti a le One News, sa o la faatalanoa le fonotaga a taitai o le APEC ma le taua ole galulue faatasi o se itulagi ina ia mafai ona agai ese ma le faamai, koviti 19.

O se pepa o faamatalaga sa faamatuu ane e le Fale Pa’epae mai le peresetene ua faailoa ai lana faamalo ile palemia o Niu Sila mo lana taitaiga I le taimi atoa ole faamai aemaise mo le talimalo ai I le fonotaga lea, le Asia Pacific Economic Cooperation faia I luga o fesootaiga faaonaponei.

Taua e Ardern sa faatalanoa ai foi male faagasologa ole faia o tuipuipui e le gata I Niu Sila lava ia ae faapea foi ile Pasefika ma taumafaiga a atunuu uma e lua mo le faamautuina o loo avanoa ane tuipuipui.