E silia ma le 400 tagata faigaluega mai le Pasefika lea na aveesea mai se ekalesia i Napier o le a toe foi i ni nofoaga mautu e aumau ai i ni nai aso o lumanai ai.
O tagata faigaluega mai Samoa, Fiti, Tuvalu ma le Atu Solomona sa aumau i le ekalesia Assembly of God i Napier e pei ona ta’ua i le lipoti a le leitio faasalalau a Niu Sila i le mae’a o aafiaga o le afā na aafia ai le North Island.
E pei foi ona faafofoga iai i nisi o lipoti mai le vaiaso talu ai i le toatele foi o nisi na agalelei ane ia i latou ia na aafia i le afā ma foaiina ai taumafa ma isi fesoasoani ma ua talia lelei e le toatele le maua ane o le faamatalaga i le asō ua mae’a faamamāina nofoaga sa aumau ai ma nisi ua faailoa iai ua mae’a faatulaga nisi o nofoaga tumau mo latou.
