Na toe faafoi mai i Aukilani le faigamalaga a le Ea Niu Sila sa agai mo Rarotonga i le taeao analeila ina ua taia le vaalele e le uila.
Sa faailoa i lipoti na aafia le vaa i le uila i le faatoa lele ane i le ea ma toe faatulaueleele ai loa.
Fai mai le sooupu a le kamupani o le a faia siaki masani a inisinia ae o tulaga ia i uila e le fou ma o vaalele foi e fausia ma le mafaufau i tulaga faapea e ono aafia ai ma ua mae’a foi ona toleniina le aufaigaluega o pailate i taimi faapea.
Na faailoa e le sooupu o loo galulue le aufaigaluega i le toe faatulagaina o pasese i isi auaunaga o loo avanoa ane mo faigamalaga ae o le Aso Gafua foi na toe faafoi mai ai i Aukilani se malaga a le Ea NIu Sila na agai mo Tokyo.
Ua tolu itula talu ona alu le malaga ae iloa se faaletonu i le tioata i luma o le vaalele.
