O se tasi o suiga o le a faailoa mai ai faaiuga e faamaonia lou siaki o le Omicron, o le sau lea I le text ae le o se valaau tauala mai le telefoni

Ao faatupulaia pea cases faamaonia o se tasi lea o suiga o loo sau mai ma le Phase 2, ma e tasi le numera o le a faaoo mai ai faaiuga o siaki o le 2238

Mai le faatonusili o le soifua maloloina, Dr Ashley Bloomfield o le faaaoga o le text ua faia lea ona o le Omicron e le ogaoga ona aafiaga I le toatele ma e le moomia ai le tau faia o se faatalanoaga I luga o le telefoni, e ui o loo mafai pea ona faatalosaga pe a moomia

O le text o le a sau ai foi ma le link e mafai ona fesootai I le itulau poo le web page e maua ai isi faamatalaga faatatau I lou faanofoesea I le fale, ae pe faafefea ona faailoa I isi tagata ua e maua I le Koviti, o auala e vaaia ai lou tagata faapea ma le fesoasoani o loo mafai ona e agavaa ai

O I latou foi ua faamaonia e moomia lo latou faailoa o tagata e vavalalata sootaga

O lea o loo taulai le matagaluega I cases na maua mai nofoaga o loo nonofo ai tagata matutua, toese faapea faatasiga tetele

I saunoaga a le faatonu o le tele lava foi o nofoaga na iai cases faamaonia o lea o le a tulituli na o nofoaga e maualuga le lamatia, ma ua toe faamanatu mai ai i le taua o le scan o le covid tracer app aua suesuega mulimuli mai