O le a faigofie atu le faimalaga i Amerika amata atu i le tausaga fou mo tagata Ausetalia aemaise i latou e masani ona faimalaga i le malo tele.
O lea ua faamaonia mai e le faigamalo a le atunuu o le a aofia ai ma Ausetalia i le US Global Entry Program i le tausaga fou.
Faailoa e le minisita o le va i fafo, Penny Wong e tāua lenei suiga i le sootaga i le va o atunuu e lua mo le agai i luma.
O le auai ai i le polokalame lea a Amerika o le a faamautu ai le vavalalata o sootaga ma le malosi o le mafutaga a atunuu e lua ae lē gata i lea o le faaleleia ai foi o sootaga faapisinisi.
O le polokalame la o le a amata avanoa mai i le masina o Ianuari o le tausaga fou ae faatapulaa le aofai o tagata Ausetalia e mafai ona agavaa ai ae o loo faatino galuega ina ia mafai ona agavaa uma ai tagata Ausetalia e talosaga ai i se taimi mulimuli ane o le tausaga fou.
Ua faailoa o le a sainia i le asō se maliega e faatatau i lenei mataupu ma e lē taumate o le a vave faagasolo ai foi le siakiina ma le kiliaina o pasese e malaga atu mai Ausetalia nei i le malo tele o Amerika.
Puna o Faamatalaga: https://www.9news.com.au/world/easier-travel-to-usa-for-australians/592c396f-dc6d-4d29-8594-83b0feb6bef8
