O le suiga ua vaavaai le malo e faia i le aofai o penefiti e ono faaopoopo ai le tusa ma le 7000 o isi fanau Niu Sila e ola i le olaga mativa.
O lapataiga nei ua tuuina atu i le malo i le mae’a fai mai ai ananafi o lea o le a fua le siitaga o penefiti i le alu i luga o le taugata o le soifuaga ae lē o le alu i luga o totogi, ma o le faaupuga faigofie o le a faaitiitia le siitaga o penefti a o agai i luma.
Fai mai ai le minisita o le Social Development, Louise Upston, o loo ave le faamamafa a le malo i le unai o tagata Niu Sila e o e faigaluega, ma o se suiga foi o le a faasao mai ai le $670 miliona i totonu o le fā tausaga.
Ae mai lē sa minisita o le matagaluega lava lenei i le paeaiga faatoa uma atu i lalo o le faigamalo a le Labour, Carmel Sepuloni o ni tupe o le a sau mai aiga e vaivai le tamaoaiga.
O le siitaga o penefiti o lea lava e sui i tausaga taitasi, peitai o le tausaga e 2022 o lea na fua le siitaga i totogi.
Ua mae’a faailoa atu foi i le malo o nei suiga o le a matuai aafia ai tagata e lē atoatoa le malosi, itupa o tina ma tamaitai, tagata Maori faapea ai ma tagata Pasefika.
