Ua faia e le malo suiga lē tumau e faaumiumi ai le taimi e mafai ai ona faaaogā e avetaavale o latou laisene mai atunuu i fafo.
O lea e 12 masina le umi e mafai ai ona faaaogā pea laisene avetaavale mai isi atunuu i totonu o Niu Sila, peitai o le suiga lea ua faailoa mai o le a amata aloa’ia mai le masina a sau, ma o lea o le a suia i le 18 masina.
O ni suiga ua faia ona o le umi tele o le taimi o loo faatalitali ai tagata mo a latou practical test lea ua oo atu i le lua masina.
Ta’ua ai e le minisita o fela’ua’iga Simeon Brown, e tuua’ia ai le faigamalo faato’ā uma atu ona o le aveesea o resit fees ma mafua ai ona faga i luga le to’atele o tagata i le lisi faatalitali, lea e faapea ua silia ma le 70,000 tagata o loo faatalitali mo practical test.
O le suiga lē tumau ua faailoa mai, o le a faatumauina i totonu o le lua tausaga.
Puna o Faamatalaga: https://www.rnz.co.nz/news/national/530165/drivers-use-of-international-licences-extended-to-18-months
