Ua faaauau nei ona faamalolo lē tumau mai ona tiute faaleoleo o le Malo le leoleo asiasi poo le police inspector susuga Li’o Faataumalama Auava, ae ua lē faamutaina lona avea ma Malu o le Malo, e pei ona sa iai se faaiuga muamua a le Komesina o le matagaluega o leoleo, falepuipui ma le Toe Fuataina.
Ua faailoa e se molimau faatuatuaina ua faailoa lea finagalo o le Komesina i se tusi ua tuuina atu i le loia o se King Counsel i Niu Sila, le loia lea o loo tauaveina le mau tetee a Li’o i moliaga e fā ua molia ai i aiaiga o le Tulafono Faatonutonu a leoleo o le tausaga e 2010, lea o le a suesueina e le faamasinoga faaleoleo le Police Tribunal.
E lei faamautuina se aso e tauaofia ai le faamasinoga faaleoleo mo le suesueina o lea mataupu.
