A o faagasolo ai pea suesuega a leoleo i le uma o le ola o se pepe 17 masina i se taimi e lei mamao atu mai Adelaide, ua faailoa i lipoti i le asō, alofaaga ma faamatalaga a mātua o le pepe ua faamatala ai o se pepe ua atoatoa i soo se itu ma e faigata ona o la taliaina ua sola si a la tama.
Sa tuuina i luga o upega tafailagi e le tamā o le pepe se video ma fai ai sana faamatalaga o le a lē mafai ona alu ese le tiga.
O mau a nisi o le aiga o le pepe ua taua ai sa alofagia e tagata uma.
Sa toe fesiligia foi e leoleo mātua o le pepe i le asō i le latou suesuega.
E talitonu leoleo o le pepe o Ronan na aafia i manu’aga i le amataga o le masina a o iai i le fale o tausitama, o ni uo a ona mātua, ina ua toe faafoi ane i le fale o lona tamā i Ottoway i Adelaide lava, sa foliga o loo moe peitai e lei toe ala ane ai lava.
Na faavave atu i le falemai peitai e lei mafai ona faasaoina ae o loo lipotia sa iai manu’aga i lona ulu ma totoga ma uma ai lona ola i le lua aso mulimuli ane.
O loo sailia e leoleo nisi e silafia ni faamatalaga i le mataupu ma ua faailoa foi ua iai nisi ua fesootai atu ma o loo fesoasoani i le suesuega.
