Ua faia le suesuega e tuufaatasi ai le vailaau o le Koviti ma le flu.

O lea o loo saili e le P3 Research tagata e i le va o le 50 ma le 80 tausaga le matutua e fia auai i le trial poo suesuega e iloa ai pe faamata e mafai e le vailaau e tasi ona puipuia tagata mai faamai e lua.

O i latou o loo tau saili mo lea suesuega e tatau ona malosi atoatoa ma ua uma ona faia tui e lua o le Koviti, e le faitaulia ai le tui o le booster pe fai pe leai.

E le tatau foi ona maua i le Koviti i totonu o le lua masina talu ai.

O lenei suesuega e moomia ai le faia o le tui ma auai i siaki e faia mulimuli mai i totonu o le 6 masina.