O loo suesue le ono aafia o le Komiuniti I le tina ua faamaonia nei lona siaki o le Koviti

O le aoauli ananafi na faailoa mai ai e le minisita o le Koviti, Chris Hipkins, o le po o le Aso Toonai lea na maua ai le faaiuga o le siaki o le tina 56 tausaga Northland

O lea tina na taunuu mai Europa I le faaiuga o Tesema ma faanofoesea ai I le faletalimalo a le Pullman I Aukilani, ma e faalua ona faia ona siaki ao faanofoesea, e negative uma

Peitai, I na I aso talu ona alu I tua ma le faletalimalo ae lagona loa auga o le Koviti ma agai ai loa siaki

I le 10 aso lea na iai lea tina I tua I le komiuniti, e tusa ma le 30 nofoaga na asiasi iai I Northland, aofia ai Ruakaka, Whangarei, Mangawhai Heads ma Helensville I Aukilani

O loo maua I luga o le website a le matagaluega o le soifua maloloina nofoaga uma na asia e lea tina faapea lona toalua, ma ua fautuaina e le minisita I latou uma o loo aumau I Northland faapea nofoaga nei sa asia e le tina ua aafia, e agai mo siaki ma nonofo I le fale seia mautinoa le faaiuga o siaki

E le o mautinoa poo fea tonu lea na maua mai ai e le tina le vairusi, ma o lea ua toe valaau uma ai le tusa ma le 600 o I latou na faanofoesea I le faletalimalo a le Pullman mai le aso 1 o Ianuari e agai mo siaki

I faatalanoaga a le minisita ma tusitala anapo na faamaonia mai ai o loo faanofoesea lea tina I lona fale I Northland, talia suesuega o genome sequencing lea e sailia ai le talaaga o le vairusi ua  maua ai nei

Saunoa le minisita e le o iai se fuafuaga e suia alert levels I le taimi nei, pau o lea tautuana faaaoga le COVID tracer app ma nofo I le fale pe faia siaki pe afai ua amata ona maua I auga o le KOviti O le taimi mulimuli na maua ai le community case I totonu o Niu Sila o le 2 masina talu ai, I le aso 21 o Novema, ae I se vaaiga I cases faamaonia I totonu o nofoaga o loo faanofoesea ai tagata mai fafo, e toavalu lea na ripotia mai ananafi