Ua lipotia mai le uma o le ola o se talavou ina ua tui e le tagata se’i tulou i se train station e pisi tele i Melepone.
Na lipotia e le 9News o le faalavelave na tupu poo le kuata i le fā i le aoauli ananafi i Melepone, fai mai o le talavou e 16 tausaga e mai Melton South ma e lei manuia togafitiga na faia iai e Paramedics ma maliu ai lava i le nofoaga o le train.
O le isi talavou 16 foi tausaga mai Sunshine North na ave atu foi i le falemai mo togafitiga i manu’aga e feololo.
O loo galulue ai leoleo i le taimi nei i le suesuega o lenei faalavelave ae o faamatalaga mai le 9News ua ta’ua sa tumutumu ai le toatele o tamaiti aoga i le taimi na tupu ai le faalavelave lea ma ua talosagaina e leoleo nisi e silafia ni faamatalaga i le mataupu lea ina ia fesootai ane.
