Masalomia le toe tulai o se isi foi osofa’iga na tafana mai se taavale a o alu pea anapo i Aukilani. 

Tuufaatasia tala fou o loo su’esu’e e leoleo lea mataupu, ma e faapea o se tasi na ia tafanaina le fale i Zelda Avenue i Clover Park e latalata i le 7 anapo. 

I lipoti e leai se isi na faamanu’alia ma e leai foi se isi ua molia e oo mai i le taeao nei ma o loo faaauau pea nei su’esu’ega. 

O lea ua savali le tolu vaiaso sosoo o fetaua’ina solo mai i le tele o vaega o Aukilani osofa’iga faapenei e faaaogā ai laau malosi e tafana ai fale o aiga e faia mai i totonu o taavale.