Ua valaauina le vaega su’esu’e faapitoa a leoleo le homicide squad e su’esu’eina se tino maliu na maua e ni tagata faigaluega o le council i le itu i Matu i Sisifo o Sini.
Fai mai le 9News o Hongli Qi, 28 tausaga na mulimuli vaaia o soifua i le aso 11 o Me ma sa mulimuli vaaia e lona aiga i le Town Hall i Sini.
Ua ta’ua o le tino maliu na maua e talitonuina ua leva ona maliu ma sa maua i se togavao e lata i Packer Rd i Blaxlands Ridge, ma na faamaonia e le ausu’esu’e o le tino maliu lea o Hongli Qi lea sa saiia e lona aiga.
Ta’ua e le ausu’esu’e e manatu o Hongli na faaoo iai le oti e nisi poo se tasi foi ma o loo talosagaina nisi e silafia ni faamatalaga i le mataupu ina ia fesoota’i ane i leoleo.
