O loo iai pea leoleo ile taimi nei i se nofoaga o se fale i Kalaiesetete na maua iai le tino maliu o se pepe faatoa fanau ile po o le aso toonai na tea nei. Fai mai se faamatalaga na maua le pepe i tuafale o le fale lea ma o le fesoasoani faavavave na valaau ane i le mataupu lea i le fale i Spreydon,saute o Kalaiesetete.
O loo faasaina pea eleoleo le fale ile taimi nei ao faagasolo suesuega ma o loo leoina foi e leoleo le nofoaga. Lipoti a le Stuff ua taua ai ole tino o le pepe na maua i se togalaau i tua ole fale mae o loo taua o se ulugalii e ana le fale ma e nonofo ai ile fale ma se tasi tamaitai lea e talitonuina o le tina o le pepe.
E le o faamatuuina mai e leoleo nisi faamatalaga e faatatau ile mataupu ile taimi nei peitai o faatalanoaga ma le au tusitala ile aso ananafi na faailoa ai e leoleo o loo latou faatalanoaina nei le tina o le pepe ma o loo fesoasoani ile suesuega.
