O loo saili nei e leoleo i latou na aofia i le faalavelave i le po anapo na fanaina ai se tagata o loo manu’a tigaina i le taimi nei.
O se fale i Ranui na valaau ane iai leoleo i le po anapo ona o lipoti o se faalavelave e aofia ai se fana. O le faalavelave na tupu poo le ta o le 10 i le po anapo lea o loo tigaina ai le tagata e to’atasi o loo togafitia i le falemai. O loo iai pea leoleo i lea nofoaga mo le faia o suesuega.
Lipotia e le Herald le molimau a se tasi tagata na iai i le nofoaga lea i le po anapo. Ua ia vaaia ni tagata o aveese mai e leoleo ae lei lokaina o latou lima ma sa vaaia foi le tele o taavale sa faapaka ai i luma ane o lea fale. E le o iai ni moliaga ua faia e leoleo i le mataupu lea i le taimi nei.
