O loo faaauau pea le sa’iliga o le tama na leiloa mai i le matāfaga i Piha i Aukilani i le Aso Lua.
O lē o loo sa’ilia e faapea na amata su’e mai le itula e 3 i le aoauli o le Aso Lua e tusa ma faamaoniga mai le Surf Life Saving ma o lea na ave e galu.
E ese mai sa’iliga i le sami o lea foi o loo faaaogā le helikopa mai le vanimonimo faatasi ai ma le vaalele a le Coastguard a Aukilani.
Ua lipotia o lē o loo sa’ilia o lea lava na ‘au’au ma le isi to’aono o la latou autaeele i totonu o le vaega o loo faailogaina e fu’a e saogalemu i le taele, peitai e le’i mafai ona lavea’iina uma mai e le augalulue le to’afitu, ma o lea na sao mai na o le to’aono.
E oo mai i le taeao nei o loo faaauau pea su’esu’ega i Piha.
Puna o Faamatalaga: Search continues for missing man at Auckland’s Piha Beach
