O loo tausailia pea nei e leoleo le tagata faatau fale i Kalaiesetete na amata su’e mai i le Aso Lulu.
O Yanfei Bao e faigaluega ai o se real estate agent mo le Harcourts ma e faapea o le taeao o le Aso Lulu le taimi mulimuli na vaaia ai.
I lipoti e foliga mai o lea sa iai mo galuega i tua i fale o aiga i le taimi na leiloa ai.
O lea ua toe maua lana taavale e tusa ma tala mai leoleo.
O Bao o se tagata faigaluega e lei leva ona amata, ma ua ta’ua mai le faapopoleina o lona toalua ma e toatasi lo laua alo.
Ua valaau mai ai ma leoleo i soo se tasi e silafia nisi faamatalaga e faatatau ia Bao e vave valaau atu i le 111.
