O loo su’e nei e leoleo le alii na lavea ai se tina matua i lana e-scooter i le mae’a o se finauga na faia i le itu i Matu o Melepone ina ua faatoa mae’a se taaloga a le AFL.
Fai mai le 9News o le tina matua e 81 tausaga sa savali ane agai i le Jollimont Railway Station mai le malae o le MCG i le Aso Faraile faatoa ina ua mae’a le taaloga a Carlton ma Collingwood ae fetaui ai ma se alii o loo alu atu i lana e-scooter poo le lata lea i le 11 i le po.
Na faatonu e le alii lea le tina matua e agai ese ma le footpath peitai sa finau ane le tina matua e lē o se auala lea mo ni taavale ma savali ese mai lea alii.
Na faamatala e leoleo na osofai mai si tina lea mai tua ma pa’ū ai ma matapogia.
Na sola ese le alii lea na alu atu i le scooter ae na tuli ane e tagata sa latalata ane.
O loo i le falemai pea si tina matua ae ua faamatuu mai nei e leoleo le ata o le tagata o loo sailia.
O loo faaauau pea le suesuega.
Puna o Faamatalaga: https://www.9news.com.au/national/e-scooter-collision-man-sought-melbourne-victoria/1112ae1a-39e8-46d1-b5ff-a57c44197f0d
