Silia ma le 150 tagata faigaluega I toese I Niu Sila atoa ua malolo ma ave aso livi faapitoa ona e le o mananao I le tui

152 le aofaiga o I latou, tusa lea ma le 3.5% tagata o loo faigaluega I toese aofia ai ma I latou o galulue I ofisa

O le aso 7 o le masina lenei lea sa tatau ona oo mai ai ua uma tui e lua, ma o le ave ai o special leave ua tuu atu ai ma le aso 8 o le masina fou e tatau ona oo atu iai ua uma tui puipui e lua, a leai ua tutuli loa ma galuega

O le toese I Rimutaka I Upper Hutt e oo mai I le Aso Tofi talu ai, o le vaega lea o Niu Sila aupito I maualuga le fuainumera o tagata galulue I toese o loo tetee I le tui

E ui I ripoti a le Herald o loo molimau ai pulega o nisi o toese e le o tele se aafiaga o auaunaga ona o le fuainumera o I latou ua malolo nei I livi faapitoa, peitai mai le peresetene o le Corrections Association, ua faaopoopo ai le avega I luga o nisi o le aufaigaluega lea o loo tauavea pea nei galuega I totonu o toese