Ua faailoa mai a o lei oo atu i le taimi o taaloga a atumotu o le Pasefika i le tausaga nei, ua fuafua e tauaao ai aloaia nofoaga uma ua faatulaga e faia ai taaloga, ma tuuina aloaia atu ai i le faigamalo a le Atu Solomona a o lei amataina aloaia.
Ua faailoa e le faauluuluga o le Pacific Games Council, Andrew Minogue i le leitio faavaomalo a Niu Sila o loo fuafua e tatau ona tuuina lea vaega i le malo e pei ona fuafuaina ma poo le faaiuga o Aokuso agai ia Setema e tatau ona faataunuu ai lea fuafuaga.
O le malae autu poo le stadium o loo aofia ai nofoaga mo taaloga afeleti atoa ai ma taaloga hockey, soka, lakapi ma se nofoaga foi o le multifunctional hall.
O se vaega lea o le meaalofa a le malo o Saina e aofia ai ma le fausia o dormitories mo taaloga.
