O aulakapi ta’itoafitu uma mai Savaii ua latou umia siamupini o vaega e tolu o le taamilosaga lakapi ta’itoafitu a le FedPac Mataniufeagaimaleata Sapapalii Sevens, e pei ona siamupini tamaitai i ‘au e i lalo o le 18 tausaga mai le Itu o Tane, ae siamupini i le vaega o alii i ‘au lava e i lalo o le 18 tausaga a aoga maualuluga le ‘au a le Tama Uli mai Salelologa.
O le aulakapi ta’itoafitu foi a le Tama Uli i le vaega o le open division ua siamupini i le taamilosaga atoa, ma o le tolu lenei o tausaga o le taamilosaga o umia pea e le Tama Uli le siamupini.
O le ‘au a le Tepatasi mai le Matamatagi mai Aleipata na maua le faailoga sili ona tāua o le taamilosaga, o le ‘au pito sili ona amio pulea.
E lua afe tala le faailoga tupe na latou maua.
Le Faatonu o le taamilosaga lakapi ta’itoafitu o le FedPac Mataniufeagaimaleata Sapapalii Sevens, susuga Papalii John Taimalelagi Afele.
