Ua sola le aulakapi taitoafitu a le Tama Uli mai Salelologa i Savaii ma le Ipu o le siamupini o le taamilosaga taitoafitu o le faamanatuina o fitafita sa tautua i le Taua Muamua ma le Taua Lona Lua a le Lalolagi, le ANZAC Day Rugby Sevens Tournament, sa tapenaina e le asosi o fitafita sa tautua i le taua i le atunuu le Return Service Association le RSA.
E iva aulakapi sa tausinio ma sailia ai e le Tama Uli ma le Tepatasi le siamupini.
O le uluai taamilosaga lakapi taitoafitu lea ua faia e avea ma se tasi o polokalame o le ANZAC day i Samoa ma le faamoemoe e faaauau i le tausaga a sau pe a aulia.
