E manatu le Pule Sili o se tasi o faletupe tele i Niu Sila e na te lagolagoina le tatau ona totogi o lafoga ua ta’ua o capital gains tax.
Na saunoa Antonia Watson o le Pule Sili o le ANZ, o lea e inivesi tagata i fale ma le faamoemoe ia maua mai ai polofiti i le taimi e toe faatau ese atu ai, ma afai o lea, aisea e lē tuu ai i luga se lafoga.
Ua tali mai ai le Palemia o Niu Sila, Christopher Luxon ma soisoi, e foliga mai o loo manao le Pule Sili o le faletupe tele mai Ausetalia ia tele nisi tupe na te aveesea atu mai tagata Niu Sila.
Na ta’ua ai e Luxon, i lona iloa o se tasi sa Pule Sili muamua foi, o loo ia malamalama i le itu o loo saunoa mai ai le Pule Sili o le faletupe, peitai, o lana fesoasoani ia Watson, masalo o le faaopoopo o tupe maua a le faletupe mai le maketi i Niu Sila e lē o se faiga e sa’o i le aga’i i luma.
O loo tatala ai foi e le Palemia le avanoa i le Pule Sili e ofi atu ai i faiga faapolokiki.
Ae mai le minisita o tupe, Nicola Willis, afai o lea e popole le Pule Sili i le manuia lautele o tagata Niu Sila, o lea e tele lava isi mea e mafai ona faia e le faletupe mo tagata.
Puna o Faamatalaga: Luxon takes crack at ANZ boss over capital gains tax support (1news.co.nz)
