Search
Agafili Tomaimano Shem Leo
Agafili Tomaimano Shem Leo

Sisi e le tamaitai Palemia le Fu’a, faamanatu ai le Iupeli Taimane 

Ua faailoa nei e le Failautusi o le Komiti o Tapenaga o le faailogaina o le Iupeli Taimane le 60 tausaga o le Tuto’atasi, le polokalame o le aso muamua o Iuni, o le a sisiina a’e ai le Fu’a o le saolotoga mo le taimi muamua e le ta’ita’i o le Malo le afioga i le Tamaitai Palemia, le afioga Fiame Naomi Mataafa.

O le itu mautinoa o le a avea lea suiga i sauniga o le tuto’atasi i lona aso muamua, o se isi tala faasolopito o Samoa aemaise foi, o le tuaa o le tamaitai Palemia le afioga i le Tamaaiga Fiame Mataafa Faumuina Mulinuu II, o le uluai Palemia o Samoa o ia foi sa ia tuuina i lalo le fu’a o le alo o Niu Sila i le sauniga i le malae i Tiafau o le uluai Tuto’atasi i le aso muamua o Ianuari o le tausaga e 1962.

Faaalia e le tofa Agafili Tomaimano Shem Leo, le failautusi o le komiti o tapenaga o le ono sefulu tausaga o le tuto’atasi, o le mata’ina o lea suiga ona o le afioga i le Sa’o Faapito o le uluai tamaitai o le atunuu ua pale i le tofi Palemia ae ua fetaui ma talafeagai foi ma le faailogaina o le ono sefulu tausaga. 
 
Le tofa Agafili Tomaimano Shem Leo. O le vaeluaga o le po o le Aso Lua i le 12 i le po o le a tatā ai logo o Malumalu tapua’i uma i le atunuu ma faaleoleoā ai foi ma leo o sailini e faailo ai le aulia e Samoa o lona onosefulu tausaga o le tuto’atasi. 

Le afioga Tanuvasa Petone Mauga o se sui o le komiti o tapenaga o le tuto’atasi, o ia foi o le faauluuluga ma le Komesina o le Pulega o le Tineimu ma Galuega Laveai i taimi o faalavelave tutupu faafuasei. O le fitu o le taeao o le Aso Lulu asau le aso muamua o Iuni o le a faia ai sauniga lotu faafetai a ekalesia uma i le atunuu, ma o le a amata faatasi ma le sauniga faalemalo i Mulinuu lea ua na o Malo valaaulia o le a auai.

O le aso malolo foi mo tagata uma i Samoa e faamamalu ai le onosefulu tausaga o le tuto’atasi ua amatalia ona polokalame lea ua faatulaga e faia ai polokalame ma sauniga eseese a nuu ma Itumalo, o faalapotopotoga ma ekalesia i totonu o le 12 masina e mae’a i le faaiuga o Me o le tausaga fou 2023. 

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required