E silia ma le 2000 tagata Papua Niu Kini ua faamautinoa mai e le National Disaster Centre o lea ua tanu ola e le palapala solo.
O le nuu atoa lea e faapea e nonofo latalata i mauga lea ua ma’umau soifua ina ua solo le palapala pe tusa o le ta i le tolu i le vaveao o le Aso Faraile o le vaiaso talu ai lea e tupu o loo fai malologa.
E oo mai ananafi e na o le toatolu tagata na mafai ona faasaoina mai o le nuu, ae na o le fā tino maliliu ua maua.
I se lipoti a le leitio a Niu Sila e lē o faigofie le sailiga o tino tanumia ona o le tele o papa.
E lē o faigofie foi le taumafai e ave faamomoli i le nuu pagatia ona o le louloua o le tau.
Ae mai faigamalo a Niu Sila ma Ausetalia, o lea ua tapena e fesoasoani.
Puna o Faamatalaga: PNG ‘landslide buried more than 2000 people alive’: Rescue teams navigate unstable terrain, infighting | RNZ News
