I le saogalemu ai pea o le atunuu atoa e le’i oo atu ai le siama o le koviti19 i le komiunitī ua faaalia le finagalo o le taitai o le atunuu Fiame Naomi Mataafa o loo silasila mamao le Mālō i se taimi e ono tatala ai malaga masani faavaomalo e faamoemoe lea i le faagasologa o le tui puipui.
O le tulaga na tulai mai i le malaga mai Brisbane i le toatele o nisi na aafia i le siama o se faatupu lagona lea i le toatele ina ia agai e fai a latou tui puipui. Aemaise foi o loo tālia le taimi e faagasolo ai tui o fanau laiti mai le 5 – 11 tausaga le matutua.
Taua e Fiame “O se vaaiga lena i le tulaga aoaotetele i le mea a lea e avatu ai pea le feau i le atunuu i le faia o tatou tui aua e faa mautinoa ai foi i se tulaga e iai se tatou lagona e mafai ona talatala atu tatou vavao lea fai i o tatou tuaoi. Ae faamoemoe lava i le faagasologa o le tatou tui”.
Na taua foi e le Palemia e faafetaia ona atonu ua iai se aoga o le vaalele lea na sau mai Brisbane Ausetalia lea na toatele nisi na aafia i le siama ua matauina ai le toatele ua agai atu e fai o latou tui puipui aemaise lava i latou lea na faatalitali le faia o latou tui lona lua.
“O lea foi ua matauina le naunauta’i o le atunuu mo le tui lona tolu poo boosters ma oute manatu e ese le taua mo le au matutua, mo e e iai nisi o latou gasegase tumau ina ia atili ai lava le faamautinoa o le puipuia”.
O le tasi o vaega taua na faailoa e le Palemia i el feiloaiga ma Tuisitala talu ai nei o Malaga faapitoa ia o loo fuafua e toe foi atu ai tagata nuu Samoa, o loo nonofo ma faamautu i atunuu i fafo ma o le autu lena o ia malaga peitai e le’o se vaega faigofie”.
“O le mea moni a ia o le faamoemoe o malaga ia e omai o tagata Samoa e nonofo mau i nei Samoa “that’s the base” na iai Laia o leisi mea o tagata Samoa e nonofo mau inei ae fia o latou feau ma toe omai ai lea, poo tagata Samoa o loo nonofo i fafo ae fia omai i nei i o latou faalavelave, e pei o mea uma lena o loo fuafua ai iai le galuega a le Komiti. O le atunuu a tatou o le faigata ia ae o le auga a lena ia , repatriation toe faafoi mai tagata nuu Samoa o loo i nei.”
