O le a see atu I seisi sitepu le lakapi a tamaitai I Niu Sila ile aso toonai nei ile uluai taaloga a tamaitai I le super rugby lea o le a fetaui ai le Blues ma le Chiefs I Eden Park.

O le toe tolopo o le taamilosaga I lenei tausaga ile Ipu o le lalolagi e eseese lava aafiaga I tamaitai taalo peitai o le taaloga I le faaiuga o le vaiaso o le aaofiaai I le tala faasolopito o le taaloga lakapi I le itupa o tamaitai.

Fai mai le faauluuluga o le lakapi, Cate Sexton ana faapea e taunuu le taamilosaga o le ipu o le lalolagi ile tausaga nei semanu e le oo le faatatau lea I le super rugby a tamaitai ma o se avanoa taua tele lenei.

Toatele nisi o le au taaalo ua fiafia I lenei fuafuaga.

Pei ona taua e le televise Niu Sila e manatu se tasi o tamaitai o loo avea ma faiaoga lagolago o le au a NIu Sila Anna Richards, o le a manaomia foi nisi e inivesi I lea faamoemoe.

Ua maea faalauiloa au a le Blues ma le Chiefs mo le taaloga I le aso toonai.